Ganzes Lied auf youtube
Es Lied für e Wolff
(Melodie: irisch, TAT-Streiklied 1978)
Im Politikdschungel vo Züri
Bruucht s ändlech e Wolff mit vil Biss.
U rächts äne hei si, das gspür i,
Vor däm Richard Löwenherz Schiss.
Die zwöi F im Wolff zeige s äbe:
Dä kennt die Stadt us em Effeff.
Är kämpft, dass dört Mönsche chöi läbe
U nid numen Outo u Töff.
Der Freisinn mit syne Millione
Isch hütztags total frei vo Sinn.
Är hänkt syni Ambitione
Verzwyflet jetz scho i Camin.
Das heisst, är tuet s i ds Chemi schrybe,
U das Chemi isch zimlech chaut.
We die bi «Camin, come in» blybe,
De säge mir: «Camin, get out!»
Zum Glück git s da Alternative:
Der Geograf kennt der guet Wäg.
Mit lingger Initiative
Isch Züri bestimmt besser zwäg.
De chasch sogar dür d Wybärg loufe,
U ds Lufthole wird nid zur Qual.
Wosch d Stadt nid de Gäldseck verchoufe,
De isch der Wolff die beschti Wahl.
Hauzi, 14. 4. 2013